قائیمقامێ قەزا شێخان راگەھاند، ژ بەر نەپێگیریا کارگەھا داگرتنا بۆتلێن غازێ ل قەزا شێخان، لیژنا چاڤدێری و بازرگانی کارگەھا شێخان ب کۆژمێ ملیۆن دیناران سزادا و داخست ژی.

سەردار یەحیا، قائیمقامێ قەزا شێخان دیارکر، مەزنترین کارگەھا داگرتنا بۆتلێن غازێ یا پارێزگەھا دھۆکێ ل قەزا شێخانە، بەلێ پشتی سەرەدانا لیژنا چاڤدێری و بازرگانی، ئاشکرابوویە کو پێگیری ب رێنمایێن وان نەکریە، ژ بەر ھندێ ب کۆژمێ ملیۆن دیناران ھاتە سزادان و کارگەە ژی بۆ ماوێ پێنچ رۆژان ھاتە داخستن.

ئاشکرا ژی کر، پشتی دووڤچوونێ ئاشکرابوویە کو بۆھایێ غازێ ژ حەفت ھزار دیناران بۆ نەە ھزار دیناران ل دەڤ بریکارێن فرۆتنا غازێ ھاتیە زێدەکرن و ڤێ ژی زیان ب ھاوولاتیان گەھاندیە، لەوما بریکارەکێ فرۆتنا غازێ ژی ب کۆژمێ 100 ھزار دیناران تێ سزادان.










باسنیوز