گەنجێکی کوردی ئێزدی هاوسەرگیری لەگەڵ کچێکی ئێزدیی رزگاربووی ژێر دەسەڵاتی رێکخراوی تیرۆریستی داعش، دەکات.

فەرحان عوسمان دەروێش، کە گەنجـێکی کوردی ئێزدییە، رايگەیاند، داعش چەندین تاوانی بەرامبەر ئێزدییەکان ئەنجام دا، کە قێزەوەنترینیان رفاندنی ژن و کچانی ئێزدی و فرۆشتنەوەیان لەناو خۆیاندا، بوو.

فەرحان عوسمان دەروێش رۆژی یەکشەممە 7/1/2018، هاوسەرگیری لەگەڵ خاتوو لەمیا سلێمان ئیلیاسدا کردووە، کە کچێکی کوردی ئێزدیی رزگاربووی ژێر دەسەڵاتی داعشە و ”زۆریش“ دڵخۆشە.

هاوسەرگیریی ئەو کوڕە گەنجە ئێزدییە لەگەڵ ئەو کچە رزگاربووە نیشانەیەکە لە نیشانەکانی بەرگریی و خۆڕاگریی گەلی کوردستان بە گشتی و کوردی ئێزدی بە تایبەت بەرامبەر هێرش و داگیرکاریی رێکخراوە تیرۆریستییەکان و دوژمنان.











باسنيوز