بەڕێوەبەرایەتیی بەرگری شارستانی راپەڕین، ئاشکرای کرد کە لە ماوەی ساڵی 2017دا، بەھۆی کەوتنەوەی ئاگرەوە زیانی ملیارێک دینار بەر سنووری ئیدارەی ڕاپەڕین کەوتووە.



حوسێن عەبدولڵا، گوتەبێژی بەرگری شارستانی ڕاپەڕینڕاگەیاند: "لە ساڵی 2017دا، لە سنووری بنکەکانی بەرگری شارستانی ڕاپەڕین کە 10 ناوچەیە، ٣٢ ڕووداوی جۆراوجۆری ئاگر کەوتنەوە ھەبووە، کە بەھۆیەوە زیانی ملیارێک و 426 ملیۆن دینار لە ھاووڵاتییان کەوتوەتەوە".



گوتەبێژی بەرگری شارستانی ڕاپەڕین، گوتیشی: "ھاوکات 3 ھاووڵاتی لە ئاو و ڕووبارەکانی سنوورەکە خنکاون و تەرمەکانیان ھێندراوەتە دەر".



ئاشکراشی کرد، کە بۆ تێکڕای رووداوەکان ڕێکاری یاسایی پێویست گیراوەتە بەر و ڕووپێوی زیانەکان بۆ کاری پێویست ئەنجام دراوە.
bas news-