رێڤه‌به‌رێ رێكخستنا پلیتێن ئاهێن خارنێ ل پارێزگه‌ها دهۆكێ دیاركركو 5 هزار كه‌سێن ژیانا هه‌ڤژینێ پێك ئیناین ل دهۆكێ یێن هاتینه‌ بێ به‌رهركرن ژ پلیتا ئاهێن خارنێ ژبه‌ر بریاره‌كا به‌غدا دانا پلیتێن ئاهێن خارنێ ناهێنه‌ دروستكرن.

حسێن سه‌برى، رێڤه‌به‌رێ رێكخستنا پلیتێن ئاهێن خارنێ ل پارێزگه‌ها دهۆكێ دیاركر: "ل پارێزگه‌ها دهۆكێ هه‌ر كه‌سه‌كێ ژیانا هه‌ڤژینى پێك بینت پلیتا ئاهێن خارنى بۆ وێ ناهێته‌ دروستكرن دووڤ بریاره‌كا حكومه‌تا عێراقى هه‌تا نوكه‌ پێنچ هزار كه‌سان داخازا پلیتا ئاهێن خارنێ كرینه‌ بتنى معاملێن وان دهێنه‌ وه‌رگرتن وپلیت ناهێته‌ دروستكرن ئه‌ڤه‌ ژى كارتیكرن ل خه‌لكێ كریه‌ چونكو گه‌له‌ك كاروبارێن وه‌لاتیان ب پلیتا ئاهێن خارنێ دهێنه‌ رێڤه‌برن".

خۆیا ژى كر: "هه‌تا ئه‌ڤرۆكه‌ ژى هێچ بریاره‌ك نێنه‌ بۆ دروستكرنا پلیتێن ئاهێن خارنێ بۆ وان كه‌سێن نوو ژیانا هه‌ڤژینى پێك دئینن ئه‌م ژى چاڤه‌رى به‌غدایێ نه‌ هه‌ر ده‌مێ تشته‌كێ نوو هه‌بیت دێ خه‌لكێ خوه‌ پێ ئاگه‌هداركه‌ین".
bas news-