لە کۆیە ڕووداوێکی ھاتوچۆ لەنێوان دوو ئۆتۆمبێل ڕووی دا، بەھۆی ڕووداوەکەوەش، حەوت کەس بریندار بوون.

زاھیر محەمەد، بەڕێوەبەری ھاتوچۆی کۆیە، لەم بارەیەوە ڕايگەیاند: "سەرلەبەیانیی ئەمڕۆ ھەینی 5/1/2018، لەسەر ڕێگای کۆیە – ھەولێر، بەھۆی ڕووداوێکی ھاتوچۆوە، حەوت ھاووڵاتی بریندار بوون".

باسی لەوەش کرد، کە ئەو ڕووداوە لەنێوان دوو ئۆتۆمبێلی جۆری تایبەت ڕووی داوە، ھۆکارەکەشی "پابەندنەبوون بووە بە ڕێنمایی و یاسای ھاتوچۆ".

بەڕێوەبەری ھاتوچۆی کۆیە ئاماژەی بەوەش دا، کە دوای ڕووداوەکە، بریندارەکان گواستراونە نەخۆشخانە، ڕێکاری یاسایی و لێکۆڵینەوەش دەستی پێ کردووە.

زاھیر محەمەد ئەوەشی خستە ڕوو، کە بەدەر لەوەی بەشێکی ڕووداوەکان بەھۆی پابەندنەبوونی ڕێنماییەکانی ھاتوچۆیە لەلایەن شوفێران، "یەک سایدی و خراپی ڕێگاکەش، ڕۆڵی بەرچاوی لە دروستکردنی ڕووداوەکانی ھاتوچۆ ھەیە".










باسنيوز