ئه‌ندامه‌كا په‌رله‌مانێ كوردستانێ ئاشكرا كر، هه‌تا نوكه‌ ل هه‌رێما كوردستانێ چ قانوون بۆ چاندنا ئه‌ندامێن له‌شێ مرۆڤى نینن، ب تنێ جۆره‌ بازرگانیه‌كا نه‌قانوونى ب ئه‌ندامێن له‌شى ژلایێ وه‌لاتیان ڤه‌ دهێته‌ كرن، ب تایبه‌ت د فرۆتنا گۆلچیسك و چاڤ و گه‌له‌ك ئه‌ندامێن دى یێن له‌شى.


د. شیرین حوسنى ئه‌نداما لیژنا ساخله‌میێ ل په‌رله‌مانێ كوردستانێ، ) دیار كر، به‌رى نوكه‌ مه‌ وه‌كو لیژنا ساخله‌میێ پرۆژه‌ قانوونه‌ك د ڤێ ده‌ربارێدا به‌رهه‌ڤكربوو، ژ بۆ هندێ قانوونه‌ك بۆ چاندنا ئه‌ندامێن له‌شێ مرۆڤى ل هه‌رێمێ هه‌بیت، خواندنا ئێكێ ژى بۆ ڤى پرۆژه‌ قانوونێ هاتبوو كرن و پرۆژه‌ هاتبوو په‌سه‌ندكرن، به‌لێ هێشتا خواندن بۆ ڤى پرۆژه‌ى دڤیان.


ئاشكرا ژیكر، بڕیاره‌ ئه‌ڤ قانوونه‌ ب زوویترین ده‌م بكه‌ڤیته‌ د وارێ بجهئینانێ دا، چونكو بازاره‌كێ ره‌ش بۆ فرۆتنا ئه‌ندامێن له‌شێ مرۆڤى ل هه‌رێمێ هه‌یه‌، ڤێ ژى كارتێكرنه‌كا مه‌زن ل سه‌ر بوارێ ساخله‌میێ كریه‌.


گۆتیشى هنده‌ك نڤیسینگه‌هێن تایبه‌ت د ڤى بوارى دا هاتینه‌ ڤه‌كرن، به‌لێ ئه‌و ژى هه‌ر د قانوونى نینن و پێدڤیه‌ بهێنه‌ داخستن.
bas news-