لایەنگرێکی یەکگرتووی ئیسلامیی کوردستان رایدەگەیەنێت، کە ئەندامێکی کۆمەڵی ئیسلامیی کوردستان، بارەگای یەکگرتووی لە شاری رانیە، سووتاندووە.

فەهمی موهەندیس، لایەنگری یەکگرتوو لە پۆستێکدا لە هەژماری تایبەتیی خۆی لە تۆڕی کۆمەڵایەتیی (فەیسبووک) رایگەیاندووە، حزبەکەی بەڵگەی تەواوی لەبەر دەستە و دەزانێ کێ بەشدار بووە لە سووتاندنی بارەگاکەی لە رانیە.

بەپێی پۆستەکە،لایەنگرانی بزووتنەوەی گۆڕان و ئەندامانی کۆمەڵ بەشداریی هێرشکردنە سەر بارەگاکەی یەکگرتوویان کردووە و یەکێک لە لایەنگر و هوڵسوڕاوەکانی گۆڕان ناوی (ب. ک. ف.) بووە.

ئەو ئەندامەی کۆمەڵ، کە بەرپرسێکی رێکخراوی قوتابییانی ئەو حزبەیە، لە کۆمسیۆنی باڵای سەربەخۆی هەڵبژاردنەکان دامەزراوە و دواتر ”بە واتە“ خۆی گواستووەتەوە نووسینگەی پەرلەمانی کوردستان لە رانیە.

لە ناوەڕاستی ئەم مانگەدا، لە چەند ناوچەیەکی پارێزگاکانی سلێمانی و هەڵەبجە ھاووڵاتییان بە دەست لەپشتدانی چەند کەسایەتی و حزبێکی تێوەگڵاو لە گەندەڵی، لەژێر ناوی دژایەتیکردنی کەمیی خزمەتگوزاری و درەنگ کەوتنی دابەشکردنی مووچە، چەندین فەرمانگەی حکوومی و بارەگای حزبەکان بەتایبەت پارتی دیموکراتی کوردستان و یەکگرتووی ئیسلامیی کوردستانیان سووتاند.

بۆ بینینی گرتەی ڤیدیۆیی ساتی سووتاندنی بارەگای یەکگرتوو لە رانیە، کلیک لێرە بکە












باسنيوز