لقی هەولێری یەکێتیی پیاوانی کوردستان ئاماری توندوتیژییەکان دژی پیاوان، کە لەلایەن بەشێکیان لەلایەن ژنانەوە ئەنجام دراون، بڵاو دەکاتەوە.

رۆژی یەکشەممە 31/12/2017، ئەژی ئیبراھیم، بەرپرسی لقی ھەولێری یەکێتی پیاوانی کوردستان، لە پرێس کۆنفڕانسێدا ئامارەکانی ساڵی 2017ـی شاری هەولێری ئاشکرا کرد.

- 614 سکاڵا لەلایەن پیاوانەوە لە دژی ژنان تۆمار کراون.

- 74 حاڵەتی خۆکوشتن و خۆسووتاندنی پیاوان تۆمار کراون.

- پێنج حاڵەتی کوشتنی پیاوان بە دەستی ژنانەوە بە یارمەتیی کەسانی دیکە، تۆمار کراون.

- 41 پیاوی پیر لەلایەن خێزانەکانیانەوە لەماڵ دەرکراون.

- 61 ژن خیانەتی هاوسەرییان لە پیاوەکانیان کردووە.

- 13 پیاو لەلایەن ژنەکانیانەوە رووبەڕووی توندوتیژیی جەستەیی بوونەتەوە.

- 251 حاڵەتی رێگریکردن لە پیاوان لە بینینی منداڵاکانیان لەلایەن ژنانەوە، تۆمار کراون.









باسنيوز