رێڤەبەرێ‌ راگەهاندن و پەیوەندیان ل رێڤەبەریا پۆلیسێن پارێزگەها دهۆكێ‌ ئاشكراكر، پۆلیسەكێ‌ دهۆكێ‌ جزدانەكا پارەی ل سەر جادێ‌ دیت بوو و كۆژمەكێ‌ مەزن یێ‌ پارە و دۆلاری تێدا بوو و بۆ خودانی ڤەگەراند.

هێمن سلێمان دیاركر، پۆلیسەكێ‌ رێڤەبەریا وان ب ناڤێ‌ (ئەحمەد شاكر) جزدانكەكا ئافرەتان ل سەر جادەكا دهۆكێ‌ دیت بوو، مە ژی وەكو رێڤەبەریا پۆلیسان راگەهاندنەك كر كو وان جزدانەكا پارەی دیتیە، پشتی بۆ ماوێ‌ سێ‌ دەمژمێران، پەیوەندی ب وان هاتیە كرن و پشتی نیشانێن جزدانكێ‌ ئاشكرا كرین كا یا چاوایە و چەند پارە تێدانە، بۆ خودانی دهێتە ڤەگەراندن.

ئاشكرا ژی كر كو كۆژمەكێ‌ پارێ‌ عیراقی و كۆژمەكێ‌ دۆلاری د ڤێ‌ جزدانكێ‌ دا هەبوو و گۆت ژی: ئەڤە نەجارا ئێكێ‌ پۆلیسێن دهۆكێ‌ ڤە كاری مرۆڤایەتی دكەت، بەلكو بۆ جارا گەلەكێ‌ یە و هەردەم د خزمەت دانە.










باسنيوز