رێڤەبەرێ‌ گشتی یێ‌ ئوفیسا دهۆك یا كۆمیسونا بالا سەرۆبەخۆیا هەلبژارتنا ل عێراقی دیاركركو دەست ب پروسێسا دابەشكرنا كارتا بایومتری هاتە كرن ل پارێزگەها دهۆكێ‌ وداخازی ژ وەلاتیان دكەن بچن كارتا خوە وەربگرن.



یوسف سەلمان، رێڤەبەرێ‌ گشتی یێ‌ ئوفیسا دهۆك یا كۆمیسونا بالا سەرۆبەخۆیا هەلبژارتنا ل عێراقی ئەڤرۆ 29/12/2017 بۆ (باسنیوز) دیاركر: "ل سەنتەرێ‌ دهۆكێ‌ و قەزا وناحیێن ب سەرڤە 41 بنگەه هاتنە ڤەكرن رۆژانا دێ‌ دەرگەهێ‌ هەموو بنگەهان یێ‌ ڤەكری بیت بۆ دابەشكرنا كارتا بایومتری ل سەر دەنگدەرێن دهۆكێ‌ برێژا 71% خەلكێ‌ دهۆك ل پروسێسا بایومتری خوە توماركربوون نها ئەو دێ‌ كارتا وەرگرتن بۆ هەلبژارتنان".



خۆیا ژی كر: "پلانا كومسیونێ‌ دایە كارتا بایومتری بكاربینت ل هەلبژارتنێن ئەیارا سالا 2018 وهەموو بەرهەڤی یێن هاتینە كرن كارتا بایومتری بگەهیتە دەستێ‌ وەلاتیان وداخازی ژ وەلاتیان دكەین سەرەدانا بنگەهێن توماركرنێ‌ بكەن بۆ وەرگرتنا كارتێن خوە یێن بایومتری".

bas news -