بە ئامانجی فراوانكردنی هۆشیاریی ژینگەیی لە ناوەندەكانی خوێندن، وەزارەتی پەروەردەی حكوومەتی هەرێمی كوردستان و دەستەی پاراستن و چاككردنی ژینگە ڕێك كەوتن لەسەر زیادكردنی بابەتەكانی ژینگە لە پرۆگرام و سمیناری ژینگەیی لە ناوەندەكانی خوێندندا.

دەستەی پاراستن و چاككردنی ژینگەی حكوومەتی هەرێمی كوردستان، لە ڕاگەیەندراوێكدا كە ئەمڕۆ 13/12/2017 بڵاو كراوەتەوە و ڕای دەگەیەنێت "بە ئامانجی فراوانكردنی هۆشیاریی ژینگەیی لە ناوەندەكانی خوێندن، وەزارەتی پەروەردەی حكوومەتی هەرێمی كوردستان و دەستەی پاراستن و چاككردنی ژینگە، لەسەر زیادكردنی بابەتەكانی ژینگە لە پرۆگرام و سیمیناری ژینگەیی لە ناوەندەكانی خوێندن ڕێك كەوت".

بەپێی ڕاگەیەندراوەكە "لە كۆبوونەوەی وەزیری هەرێم بۆ كاروباری ژینگە و وەزیری پەروەردەی حكوومەتی هەرێمدا بۆ زیادكردنی بەرنامەی هۆشیاریی ژینگەیی لە پرۆگرامەكانی خوێندنی سەر بە وەزارەتی پەروەردە و سازكردنی سیمیناری هۆشیاری ژینگەیی بۆ قوتابیان لە ناوەندەكانی خوێندن و دانانی بەرنامەی ژینگەیی لە تەلەفزیۆنی پەروەردەیی بە ئامانجی زیاتر گرنگیدان بە ئاستی هۆشیاری ژینگەیی لە پێناو پاراستنی ژینگەی كوردستان، پلانی هاوبەش داندراوە".











باسنیوز