سه‌ر له‌ ئێواره‌ى ئه‌مڕۆ پێنجشه‌ممه‌ ( 7 / 12 / 2017) له‌سه‌ر ڕێگاى كۆیه‌- دوكان، له‌ ڕووداوێكى هاتوچۆدا دوو كه‌س بوونه‌ قوربانى.


نه‌قیب (زاهیر محه‌مه‌د)، به‌ڕێوه‌به‌رى هاتوچۆى كۆیه‌ له‌ لێدوانێكدڕاگه‌یاند: "له‌سه‌ر ڕێگاى كۆیه‌ – دوكان ، به‌هۆى پایه‌ندنه‌بوون به‌ ڕێنماییه‌كانى هاتوچۆ و ناله‌بارى ڕه‌وشى هاتۆچۆوه‌، سێ ئۆتۆمبێل به‌یه‌كیان دا كێشا".

له‌ ئه‌نجامى پێكدادانى ئه‌و سێ ئۆتۆمبێله‌، كه‌سێك به‌ناوى (ع، م) گیانى له‌ده‌ست دا و كه‌سێكى دیكه‌ش بریندار بوو.


ئه‌و ئه‌فسه‌ره‌، گوتیشى: "دواى ڕووداوه‌كه‌ پۆلیس و لایه‌نى په‌یوه‌ندیدار، گه‌یشتنه‌ شوێنى ڕووداوه‌كه‌ و ته‌رمى قوربانییه‌كه‌ و هه‌روه‌ها برینداره‌كه‌یان ڕه‌وانه‌ى نه‌خۆشخانه‌ كرد".
bas news-