حکوومەتی هەرێمی کوردستان پەیامێک بڵاو دەکاتەوە و تێیدا پیرۆزبایی لە مسوڵمانانی کوردستان، عێراق و جیهان دەکات.

لە پەیامەکەیدا، حکوومەتی هەرێمی کوردستان رایدەگەیەنێت، کە بەبۆنەی یادی لەدایکبوونی محەمەدی پێغەمبەر (دروودی خوای لەسەربێت)، ”وەک هەمیشە“ پەیامی ئاشتی و دۆستایەتی بۆ سەرجەم گەلانی عێراق، دراوسێ و جیهان دەنێرێت.

حکوومەتی هەرێمی کوردستان هیوا دەخوازێ ”ئەم یادە پیرۆزە“ ببێتە هۆی بڵاوبوونەوەی ئاشتی و سەقامگیری لە کوردستان و ناوچەکە.

دەقی پەیامەکە:

بە بۆنەی یادی لەداییکبوونی پێغەمبەر (محمد) "د.خ"، گەرمترین پیرۆزبایی لە سەرجەم موسڵمانانی کوردستان و عیراق و جیهان دەکەین، لەم بۆنەیەشدا وەک هەمیشە پەیامی ئاشتی و دۆستایەتی بۆ سەرجەم گەلانی عیراق و دراوسێ و جیهان دەنێرین.

ئومێدەوارین ئەم یادە پیرۆزە ببێتە مایەی ئاشتی و سەقامگیری و خۆشگوزەرانی بۆ سەرجەم نەتەوە و پێکهاتەکان لە کوردستان و عیراق و ناوچەکەدا و هانی زیاتری هەموو لایەک بدات بۆ ڕەخساندنی زەمینەی لێبوردەیی و دۆستایەتی و پێکەوەژیانی ئاشتیانە لەگەڵ یەکدیدا.

ئەنجومەنی وەزیرانی هەرێمی کوردستان

٣٠/ تشرینی دووەم/ ٢٠١٧ زایینی – ١٢/ ربیع الاول/ ١٤٣٩ کۆچی










باسنیوز