تەقینەوەیەک بازاڕێکی میللی شاری بەغدای پایتەختی عێراق دەهەژێنێت و ژمارەیەک قوربانی لێ دەکەوێتەوە.



تەقینەوەکە سەرلەبەیانیی رۆژی یەکشەممە 26/11/2017 لە بازاڕێکی میللی لە ناوچەی نەهرەوان لە باشووری بەغدا لەڕێی بۆمبێکی چیندراوەوە، رووی داوە.



بەپێی هەواڵی میدیا عێراقییەکان، بەهۆی تەقینەوەکەوە، هاووڵاتییەک گیانی لەدەست داوە و شەشی دیکەش بریندار بوون.



بەهۆی بێ کارایی هێزە ئەمنییە عێراقییەکان و بوونی دەیان گرووپ و میلیشیای چەکداری، رۆژانە تەقینەوە، رفاندن و کوشتنی هاووڵاتییان لە شارەکانی عێراق بە تایبەت لە بەغدا، روو دەدەن.




باسنیوز