به‌ڕێوه‌به‌رى په‌روه‌رده‌ى گه‌رمیان، ئاشكرای ده‌كات، به‌هۆى بوومه‌له‌رزه‌كه‌ى ڕۆژانى پێشووه‌وه‌، زیان به‌ر بیناى ژماره‌یه‌ك قوتابخانه‌ى سووره‌كه‌ كه‌وتووه‌.


دارا ئه‌حمه‌د، به‌ڕێوه‌به‌رى گشتیى په‌روه‌رده‌ى گه‌رمیان راگه‌یاند: "به‌هۆى بوومه‌له‌رزه‌كه‌ى ڕۆژانى پێشووه‌وه‌، ژماره‌یه‌ك له‌ بیناى قوتابخانه‌كانمان زیانیان به‌ركه‌وتووه‌ ".


ئاماژه‌ى به‌وه‌شدا، كه‌ زیانه‌كان بریتین له‌ درزى بچووك كه‌ كه‌وتووه‌ته‌ نێو دیوارى چه‌ند ژوورێك له‌ قوتابخانه‌كان و كه‌وتنى سه‌قفى هه‌ندێك قوتابخانه‌ (جبسن بۆرد) ،هه‌روه‌ك درزیش كه‌وتووه‌ته‌ نێو بیناى به‌ڕێوه‌به‌رایه‌تى په‌روه‌رده‌ى گه‌رمیان.


هه‌روه‌ها، ئه‌وه‌شى خسته‌ڕوو، كه‌ درزه‌كان مه‌ترسییان بۆ ڕووخانى قوتابخانه‌كان و ژیانی قوتابییه‌كان نییه‌ و ده‌وام زۆر ئاساییه‌ و ته‌واوى قوتابخانه‌كان ده‌وامى ئاسایی تیادا ده‌كرێت.


به‌ڕێوه‌به‌رى گشتیی په‌روه‌رده‌ى گه‌رمیان، گوتیشی: "لیژنه‌یه‌ك له‌ ئیداره‌ى گه‌رمیان كه‌ ئه‌ندامى ئێمه‌شى تیدایه‌، بۆ زانینی زیانه‌كان سه‌ردانى قوتابخانه‌كانى سنورى ئیداره‌ى گه‌رمیان ده‌كات".
bas news-