رێڤەبەرێ گشتیی یێ پەروەردا پارێزگەھا دھۆکێ، دیارکرکو دەرگەھێ وەرگرتنا ھەموو قوتابیێن پشتی 16 ئوکتوبەرێ ژبەر حەشدا شەعبی ئاوارەبی پارێزگەھا دھۆکێ ھاتە ڤەکرن، ئەو دشێن ل نێزیکترین قوتابخانا جھێ ئاکنجیبوونا خوە دھۆکێ بەردەوامێ ب خاندنا خۆە بدەن.

عومەر عەلی تەھا، رێڤەبەرێ گشتیی یێ پەروەردا پارێزگەھا دھۆکێ دیارکر: "ئەڤرۆ 9/11/2017 ب فەرمێ پەروەردیێن قەزایێن سەر پارێزگەھا دھۆکێ ڤە ھاتینە ئاگەھدارکرن ئەو ب ریێن خوە ھەموو قوتابخانەیان ئاگەھداربکەن دەست ب وەرگرتنا قوتاببێن ژبەر حەشدا شەعبی ئاوارە بووین بکەن، ئەو قوتابخانا قوتابیەکێ ئاوارە وەردگریت دێ تۆمارەکا تایبەت بۆ وی قوتابیێ دروست کەت دێ قوتابیێ ئاوارە دەست ب خاندنا خوە کەت".

خۆیا ژی کر: "سەدان قوتابیی ژبەر حەشدا شەعبی ئاوارەبووینە ھەموو دێ پارێزگەھا دھۆکێ بیێ ھیچ بەلگەنامەکێ بینن بەردەوامی ب خاندنا خوە دەن ھەتا کێشەیێن دەڤەرێن وان چارەسەردبن وجارەکا دێ ڤەدگەرنە سەر جھێن خوە".









باسنیوز