بەڕێوەبەرایەتیی ئاسایشی گەرمیان لە ڕاگەیاندراوێکدا ئاشکرای کرد، کە کەسێک بە تۆمەتی ئەندامێتی لە ڕێکخراوی تیرۆرستیی داعش، بە پێنج ساڵ زیندانی سزا دراوە.

ئەمڕۆ چوارشەممە 8/11/2017، بەڕێوەبەرایەتیی ئاسایشی گەرمیان ڕاگەیاندراوێکی بڵاو کردەوە، تێیدا ھاتووە: "(نەبیل ستار وەلی) کە ھاووڵاتییەکی عەرەبە و لەدایکبووی ساڵی 1995ە، ھەروەھا دانیشتووی ناوچەی (عەسریە)ی سەربە قەزای خورماتووە، بەھۆی ئەندامێتیی داعش، بە پێنج ساڵ زیندانی سزا درا".

ھەر بە پێی ئەو ڕاگەیاندراوە، دوای کۆکردنەوەی زانیاریی ورد و تەواو لەسەر ئەو کەسە، لە بەروای 18/7/2017 لەلایەن ھێزەکانی ئاسایشی گەرمیانەوە دەستگیر کرا، ھەروەھا پاش ئەوەی دۆسیەی تاوانبارەکە خرایە پێش دادوەری لێکۆڵینەوە و چەندین دانیشتن، تاوانبارەکە دانی بە تاوانەکەیدا ناوە، "بۆیە دادگای تاوانەکانی کەرکووک/گەرمیان ، بە پێی مادەی (3)ی تیرۆر بڕیاری پێنج ساڵ و یەک مانگ زیندانی بۆ دەرکردووە".










باسنیوز