ره‌جه‌ب ته‌یب ئه‌ردۆگان سه‌ركۆماری توركیا، ئه‌مڕۆ له‌ وتارێكیدا بۆ گرووپی ئه‌ندام په‌رله‌مانه‌كانی پارته‌كه‌ی به‌ شێوه‌یه‌كی ناڕاسته‌وخۆ هه‌ڕه‌شه‌ی به‌كارهێنانی هێزی كرد بۆ سەر شنگال.

ئه‌ردۆگان زۆر به‌ توندی دژی په‌كه‌كه‌ قسه‌ی كرد و گوتی ده‌بێت باش بزانن خوێنی یه‌ك شه‌هیدی ئێمه‌ به‌رامبه‌ر به‌ 100 چه‌كداری ئێوه‌یه‌ و له‌ هه‌ر كوێ بن لێتان ده‌ده‌ین.

ئه‌و ئاماژه‌ی به‌ هه‌كاری و گاباری و جودی كرد، به‌وه‌ی هێزه‌كانیان زۆر به‌ چڕی له‌و شوێنانه‌ رووبه‌رووی په‌كه‌كه‌ ده‌بنه‌وه‌ و لێیان ده‌ده‌ن. هه‌روه‌ها ده‌ڵێ له‌ هه‌ر كوێ بن لێیان ده‌ده‌ین و سڵ ناكه‌ینه‌وه‌.

گوتیشی "په‌كه‌كه‌ له‌ هه‌ر شوێنێك بوونی هه‌بێت بۆی ده‌ڕۆین و لێیان ده‌ده‌ین، گوێ به‌ كه‌س ناده‌ین كه‌ ده‌ڵێن وا بكه‌ و وا مه‌كه‌، ئێمه‌ ده‌چین بۆ ئه‌و شوێنه‌ی په‌كه‌كه‌ی لێیه‌ و به‌ توندی لێیان ده‌ده‌ین".

لە دوای خیانەتە گەورەكەی باڵەكەی یەكێتی و داگیركردنی ناوچە كوردستانیەكانی دەرەوەی ئیدارەی هەرێم لەلایەن پاسداران و حەشدی شیعیەوە، شنگال كەوتە دەست حەشدی شیعی و هێزەكانی پەكەكە.










باسنيوز