ئەندامێکی ئەنجومەنی پارێزگای کەرکووک، ئاماژە بەوە دەدات کە تا میلیشیاکانی حەشدی شەعبی لە کەرکووک بێت، ئەوانیش کۆبوونەوەی ئەنجومەنی پارێزگا، لەو شارە ئەنجام نادەین.

محەمەد کەمال، ئەندامی ئەنجومەنی پارێزگای کەرکووک، ڕایگەیاند: "تا زرێپۆشی حەشدی شەعبی لە ناو کەرکووکدا بێت، ئێمەش ناگەڕێنەوە و کۆبوونەوەی ئەنجومەنی پارێزگای کەرکووک، لە کەرکووک ئەنجام نادەن".

ئەو ئەندامەی ئەنجومەنی پارێزگای کەرکووک، بە پێکەنینەوەش گوتی: "مەگەر ئێمەش بە زرێپۆشەوە بڕۆینەوە کەرکووک".

بەرەبەیانی رۆژی دووشەممە 16ی ئۆکتۆبەری 2017، بە چاو ساخی گرووپێکی ناو یەکێتیی نیشتمانیی کوردستان، سوپای عێراق، میلیشیاکانی حەشدی شەعبی، بە سەرپەرشتیی و بەشداریی سوپای پاسدارانی ئێران ھێرشیان کردە سەر کەرکووک و ناوچە کوردستانییەکانی ئەو سنوورەیان داگیر کرد.

ئێستاش حەشدی شەعبی پارێزگارێکی بە وەکالەتی بۆ شارەکە دەستنیشان کردووە و زۆرینەی ئەندامانی ئەنجومەنی پارێزگای کەرکووکیش ئامادەنین بگەڕینەوە کەرکووک.











باسنیوز