چاڤدیرەکی سیاسی دبێژت، گەرەکە نها کورد ناڤماڵیا خۆ لێکبدەت و دانوستاندنان ل گەل بەغدایێ بکەت ل سەر پرسێن هەلاویستی و دانوستاندن ژی نەڕامانا هندێ یە کو مە سەربەخۆی ژ دەستدایە.

(سامی ئەتروشی)، چاڤدێرێ سیاسی و شێورمەندێ ئەمیندارێ گشتی یێ یەکگرتوویا ئیسلامی یا کوردستانێ یە، بۆ ماڵپەرێ فەرمیی یێ پارتی دیموکراتی کوردستان گۆت:''پشتگیری کرنا (نێچیرڤان بارزانی) و (قوباد تالەبانی) ب تایبەت ژ لایێ پارتێن وان و خودان بریار یێن ناڤ پارتاندا، بو رێڤەبرنا ڤێ قۆناغا هەستیار چونکی د پەسەندن ژ گەلەک لایان ڤە، و جهێن فەرمی یێن هەرێمێ نە، و کارکرن بو لێکدانا ناڤمالا کوردی، داكو بهێز بچینە بەغدا، و بزڤرین ب هەمی نوێنەرێن خوڤە بزوویترین دەم.

ناڤهاتی ئەو یەکە ژی گۆت:''لێ زڤرینەکێ بکەین بۆ پەیوەندیێن مە یێن دبلوماسی دگەل وەڵاتان بتایبەت ئیران وترکیا و بریارا دەستپێکرنا دان وستاندنا دگەل بەغدا یا ل تەهران دڤێت ئەو کەمتر خەمیا مە کری بو پەیوەندیێن دگەل وان بهێلین و بچینە تەهران چونکی دسیاسەتێدا (چ دوژمن ودۆست یێن بەردەوام نینن(و دووبارە دانوستاندنان دەست پێ بکەین.

شێورمەندێ ئەمیندارێ گشتی یێ یەکگرتوویا ئیسلامی یا کوردستانێ گۆتژی:'' راگرتنا هەفسەنگیێ دپەیوەندیێن خودا دگەل چەپەرێ روژئاڤا و روژهەلات ب تایبەت ئەمریکا و ئیران، و پێدڤیە ژ بیرنەکەین سیاسەت هونەرێ پاراستنا بەرژەوەندیانە، چ جارا پشتا خو ب لایەنەکی بتنێ گەرم نەکەین، نەرمیێ دیار کەین بەرامبەری داخازیێن بەغدا دا دەستکەفتی یێن مایی ژ دەست نەدەین، ب تایبەت بابەتێ داهاتان کو باش دزانین مافێ هەڤلێر نینن بگوێرەی دەستوری بەرامبەری وێ داخوازا مافێ خو ژ بودجا گشتی بکەین.

هێشتا گۆت:'' كارکرن لسەر مافێن خو یێن رەوا ب رێکا دادگەها فدرالی، زڤراندنا پوستان، بێشێلکرنا دەستوری ژ لایێ بەغدا، پێگەهێ پێشمەرگەی، ناڤێ هەرێمێ...هتد، و زڤراندنا متمانا هاولاتیان ب مەزاختنا مافێن وان ب تایبەت دانا موچەی ئەگەر ژ سامانێن پارت و كەسایەتیان ژیک بیت.

ل دوماهیێ گۆتژی:'' خو ژ بیر نەکەین یێ دناڤ عیراقێدا دژین دڤێت پابەندبین بدەستوری تا روژا مە بێت کو هەر دێ کار بو کەین کو (سەربەخوی یا کوردستانێ) یە، هەردەما رێک و دەرفەت هەبیت، و دبیت گوهورینەک ل ناڤچێ هەبیت هەر ئەو هیڤی یا گەلی بمینیت.
kdp-