سەرۆکێ جڤاتا ناحیا باشیکێ دیارکرکو پشتی حەشدا شەعبی ھاتیە دەڤەری رێکا باشێک وبەحزانێ بۆ پارێزگەھا دھۆک ھاتیە دائێخستن ئەو فەرمانبەرێن رۆژانا ھاتن وچوون دکرن نوکە نەشین بچنە سەر دەوامێن خوە ل دھۆکێ ومەترسیی ھەیە بھێنە فەسل کرن.



داسن قەوال سلیمان، سەرۆکێ جڤاتا ناحیا باشیکێ دیارکر: "گەلەک فەرمانبەرێن دەڤەرا باشیک وبەحزانێ ل پارێزگەھا دھۆک ودەڤەرێن ب سەرڤە دەوامی دکرن لێ پشتی ئالوزیێن ڤێ دووماھیێ وھاتنا حەشدا شەعبی بۆ دەڤەرێن کوردستانێ ریک ناڤبەرا باشیک و بەحزانی بۆ پارێزگەھا دھۆکێ دا ھاتیە گرتن ئەو فەرمانبەرێن باشیکێ یێن دھۆک و دەڤەرێن دێ دەوامی دکەن تووشی ئاریشەیان بووینە و رێک ب وان ناھێتە دان وھاتن وچوونێ بکەن قەستا دەوامێن خوە فەرمێ بکەن".



خۆیا ژی کر: "ھەکە رێک بۆ خەلکێ باشیک وبەحزانی نەھێتە خوەشکرن ئەو زالگەھێن حەشدا شەعبی ھەڤکار نەبن رەنگە ماوی قانوونی یێ گەلەک فەرمانبەران بسەرڤە بچیت وبھێنە فەسلکرن ژ دەوامێن خوە".
BAS NEWS-