ئەمڕۆ سێشەممە فەرماندەیەكی باڵای سەربازیی ئەمریكا دووپاتی كردەوە سەرباری ناڕەزاییەكانی كورد لە بەرانبەر هەڵوێستی ئەمریكا لەبارەی ڕووداوەكانی ئەم دواییە، ئێمە بەردەوامین لە مامەڵەكانمان لەگەڵ هێزەكانی پێشمەرگە.



جەیمس جێرارد فەرماندەی پرۆسە تایبەتەكانی هاوپەیمانی نێودەوڵەتی رایگەیاند بەردەوامین لە كاركردن لەگەڵ پێشمەرگە، چاوەڕوانیش دەكرێ بەردەوام بین.


جێرارد گوتی پەیوەندییەكی پتەو لە نێوان سەركردایەتی كوردستان و واشنتۆن هەیە، لە میانی شەڕەكانی دژی داعشیشدا ئەو پەیوەندییە پتەوتر بوو.


جێی باسە پێشتر هەولێر و واشنتۆن ڕێكەوتنامەیەكی لەیەكتری تێگەیشتنی سەربازییان مۆر كردبوو، كە لە ڕێگەیەوە ئەمریكا هاوكاری دارایی و سەربازی پێشكەشی پێشمەرگە دەكات.
bas news-