پارتیا(ئەلپارتی) بەیاننامەک بەڵاڤکرن و ب هەموو شێوەیان پشتەڤانیا خۆ بۆ هەرێما کوردستانێ و سەرکرداتیا سیاسیا کورد و (سەرۆک بارزانی) دیارکرن.

د بەیانناما (ئەلپارتی) دا کو وێنەیەک بۆ ماڵپەری فەرمیی یێ پارتی دیموکراتی کوردستان شاندیە و تێدا دیارکریە، ئەم ژ پارتیا (ئەلپارتی) ب هەموو شێوەیەکی پشتەڤانێن هەرێما کوردستانێ و سەرکرداتیا سیاسیا کورد و (سەرۆک بارزانی)نە، و ئەوا ل کەرکووکێ روویدایی زۆر پێ نەخۆش و دلگران بووین ئەڤە ژی رامانا وێ یەکێ دگەهینیت هەموو جاران گەلێن دەردۆرێن مە ئیرادەیا گەلێ مە قەبوول نەکرینە، و ئەڤە ژ ددەمەکی دا گەلێ مە بەرەڤ پرۆسەیە مێژووی دچۆ ئەوژی سەربەخۆبوونا کوردستانێ بوو.

د بەشەکی دی یێ بەیاننامێ دا ئاماژە ب وێ یەکێ ژی کریە، کو هەردەم ئەم پشتەڤانێن گەلێ خۆیێ هەرێما کوردستانێ بووینە، مە پشتەڤانیا پرۆسەیا ریفراندۆمێ کریە، و هەتا کو کوردستان سەربخۆ ژی دبت و پشتی سەربەخۆی ژی دبیت دی پشتەڤان بین.

د داوییا بەیاننامێ دا هاتیە، ژنها و پێدە ئەم ژ هەر تشتی پتر پێتڤی ب یەکرێزی و رێکخستانا ناڤمالیا خۆینە دا ئەم پێکڤە رووبەرووی هەموو ئاستەنگ و نەخۆش و پیلانێن خیانەتکاریێن دوژمنان بین.
kdp-