لە گۆمێکی ئاودا لەکەلار منداڵێکی تەمەن شەش ساڵان خنکا، پۆلیسیش ئەڵێت ئەو گۆماوه‌ى تیایدا خنکاوە نزیک ماڵی خۆیانە.

ڕائید عەلی قه‌دوورى، گوتەبێژی پۆلیسی گەرمیان ڕایگەیاند: "ئێوارەی ئەمڕۆ دووشەممه‌ لەگەڕەکی حەمەی کەریمی شاری کەلار منداڵێکی شەش ساڵان به‌ناوى (ه. م. ق ) لە گۆمێکی ئاودا خنکا".

ئەوەشی خستەڕوو، كه‌ بەگوتەی کەسوکاری، ماڵیان دەکەوێتە سەر ڕووباری سیروانەوە و ئێوارەی ئەمڕۆ منداڵه‌كه‌ کەوتووه‌تە نێو گۆمێکی ئاوەوە کە نزیکە لەماڵى خۆیان، به‌و هۆیه‌شه‌وه‌ گیانى له‌ده‌ست داوه‌.

گوته‌بێژى پۆلیسی گەرمیان، ئاشکراشی کرد، تەرمی منداڵه‌كه‌ دەرهێنراوە و بەمەبەستی پشکنین و توێكارى براوه‌ته‌ بەشی پزیشکی دادوەری کەلار.










باسنیوز