پێنچ پارتێن کوردی یێن باکووری کوردستانێ(PAK-OSP-PDK-T-PSK و تەڤگەرا ئازادی) د بەیاننامەکا هەڤبەش دا پشتەڤانیا خۆ هەرێما کوردستانێ دیارکرن ل هەمبەر ڤان ئیڕشێن دایی یێن حکومەتا عیراقێ ب پالپشتیا ئیرانی.

دبەیاننامێ دا کو وێنەیەک بۆ ماڵپەرێ فەرمیی یێ پارتی دیموکراتی کوردستان شاندینە، و تێدا هاتیە، ئارتێشا ئیراقێ ب پشتگرییا ئیرانێ باشوورێ کوردستانێ داگیر دکەت، ئەم ڤێ داگیرکرنێ روو رەش دکەین، گەلێ مەیێ باشوورێ کوردستانێ د رۆژا (٢٥-٩-٢٠١٧) ـێ دا ، ب ریفراندۆمەکە دیمۆکراسی و سروشتی ، ب رێژەیا ژ %٩٢.٧٣ ـێ ژ بۆ سەرخوەبوونێ ب''بەلێ '' ئینا .

د بەشەکی دی یێ بەیاننامێ دا هاتیە، نها ئیرش ژ لایێ حەشدا شەعبی و ب هەڤکارییا پاسدارێن ئیرانێ ئیرشی ل سەر کوردستانێ دکەن، و ئەم ب هەموو رەنگان وان رووی رەش و شەرمەزار دکەین، و ئەڤە ژی پشتی وێ یەکێ دئێت کو ل هەمبەر بێ دەنگیا ئەمریکا بەرامبەر پرسا کوردی.

ل دوماهیا بەیاننامێ هاتیە،ئەم داخوازێ ژ ئێکەتیا ئەوروپا و ناتۆ ئەمریکا و زلهیزێن جیهانێ دکەن بهێە سەر خەت و پشتەڤانیا مافێن رەواێین گەلێن کورد بن .
kdp-