دابەشکردنی نەوت بەسەر ھاووڵاتییانی ناوچە شاخاوییەکانی سنووری پارێزگای ھەولێر دەستی پێکردووە، قایمقامی چۆمانیش دەڵێت "بۆ یەک بەرمیل نەوت بڕی 53 ھەزار دینار لەھاووڵاتییان وەردەگیرێت".



ئەحمەد قادرە سۆر، قایمقامی چۆمان، راگەیاند: "بەھۆی نزیکبوونەوەی وەرزی سەرماو زستان، لەسنوورەکەمان دەستکراوە بە دابەشکردنی بەشە نەوتی ھاووڵاتییان لە رێگای بڕیکارەکانی خۆراک، لە سەرەتاوە لە ناوچە شاخاوییەکانی شارەدێی حاجی ئۆمەران و گوندەکانی سەر سنوورییەکان نەوتیان پێدەدرێت، چونکە شوێنەکانیان سەخت و شاخاوییە دواتریش سەنتەری شارۆچکەی چۆمان و شارەدێ و گوندەکانی دیکە".



قایمقامی چۆمان، ئەوەشی ئاشکرا کرد: "ھەر خێزانێک یەک بەرمیل نەوت وەردەگرن، بری پارەی وەرگیراویش بریتییە لە 53 ھەزار دینار".


bas news-