ل گوره‌ى نڤیساره‌كا فه‌رمى یا حكومه‌تا هه‌رێما كوردستانێ كو ئیمزا وه‌زیرێ په‌روه‌ردێ ل سه‌ره‌ وه‌زاره‌تا په‌روه‌ردێ ب پالپشتیا نڤیساره‌كا سه‌روكاتیا جڤاتا وه‌زیران یا هژماره‌ 3913 ده‌رچوویه‌ و نڤیسارا وه‌زاره‌تا په‌روه‌ردێ دیاركریه‌ كو دێ هژماره‌كا پلێن دامه‌زراندنا ماموستایان ب ره‌نگێ گرێبه‌ست ل هه‌رێما كوردستانێ هێنه‌ راگه‌هاندن.



ل ئه‌وێ نڤیسارا فه‌رمى یا وه‌زاره‌تا په‌روه‌ردێ دا هاتیه‌ دیاركرن كو دێ (27) پله‌ ل رێڤه‌به‌ریا گشتى یا په‌روه‌ردا پارێزگه‌ها هه‌ولێرێ و (20) پله‌ ل سلێمانیێ و (22) پله‌ ل دهوكێ و (4) پله‌ كارگێریا گه‌رمیان و (5) پله‌ ل هه‌له‌بچه‌ و (6) پله‌ ل پارێزگه‌ها كه‌ركوكا كوردستانێ هێنه‌ دامه‌زراندن.



دهێته‌ زانین ئه‌و پله‌ بتنێ بو ده‌رچووێن كولیژێن په‌روه‌ردا بنیات بن و دێ ب گریبه‌ست هێنه‌ دامه‌زراندن و دشێن ل قوناغێن (ئاماده‌ى و بنه‌ره‌تى دا) ده‌وامێ بكه‌ن و ژڤانه‌ ل ده‌مه‌كێ نێزیك فورما دامه‌زراندنێ بهێته‌ به‌لاڤكرن

bas news-