وەزیری دەرەوەی ئەمریکا، لە پرێس کۆنفرانسێکدا، رای گەیاند، پێویستە عێراق بەرەو رووی ھەژموونی ئێران بووەستێتەوە.

ریکس تیلەرسۆن، وەزیری دەرەوەی ئەمریکا، لە پرێس کۆنفرانسێکدا لە شاری جنێف، رای گەیاند: "پێویستە عێراقییەکان بەرەو رووی ھەژموون و دەستێوەردانەکانی ئێران بووەستنەوە و پشت بەخۆیان ببەستن".

وەزیری دەرەوەی ئەمریکا، ئەوەشی خستە روو: "ھەرچەندە دەزانین سنوورێکی زۆری ھاوبەش و بەرژەوەندی ئابووری ھاوبەش لە نێوان عێراق و ئێران ھەیە، بەڵام دەبێت، عێراق رێ لە ھەژموونی ئێران لە ناوچەکە بگرێت".

ئاماژەی بەوەش دا، کە دەبێت عێراقییەکان پشت بە خۆیان ببەستن و برەو بەخۆیان بدەن، گوتیشی: "ئەمریکا کار لەسەر ھەڵوەشاندنەوەی پەیوەندی ئێران و عێراق ناکا، بەڵام عێراقییەکان عەرەبن، نەک فارس، ئەگەر سوننە بن شیعەبن، ئەوە ھەر عەرەبن".

وەزیری دەرەوەی ئەمریکا، ئاشکراشیی کرد کە سعودییەکان خوازیاری پەیوەندی نوێن لەگەڵ عێراق.









باسننيوز