هێزەکانی پێشمەرگەی کوردستان، لە هێرشەکانی ئەمڕۆی میلیشیاکانی حەشدی شەعبی تانکێکی ئەبرامزی ئەمریکی تەقاندەوە.

مەنسور بارزانی، فەرماندەی لەشکری تایبەتی یەک و گوڵان، ڕای گەیاند: "لە هێرشەکەی ئەمڕۆی میلیشیاکانی حەشدی شەعبی بۆ سەر هێزەکانی پێشمەرگە لە میحوەری زومار - رەبیعە تانکێکی ئەبرامزی ئەمریکی لەلایەن پێشمەرگەوە تەقێنرایەوە".

فەرماندەی لەشکری تایبەتی یەک و گوڵان گوتیشی: "پێشمەرگە بەوپەڕی ورەبەرزییەوە بەرگری لە کوردستان دەکات".

بەیانیی ئەمڕۆ پێنجشەممە 26/10/2017، میلیشیاکانی حەشدی شەعبی، سوپای پاسدارانی ئێران، حزبوڵای لوبنان و هێزەکانی دیکەی عێراق لە سنووری زومار، مەخموور و پردێ هێرشیان کردە سەر پێشمەرگە و لە سەرجەم میحوەرەکان تێکشکێنران و زیانێکی زۆریان بەرکەوت.












باسنيوز