ئۆپۆزسیۆنی سووریا كه‌ له‌ چه‌ند گرووپێكی چه‌كداری ناو سووریا پێك هاتوون، بڕیاریان داوه‌ هێزێكی میللی دروست بكه‌ن و حكوومه‌تێكی كاتیش دابمه‌زرێنن. توركیا وه‌كو هاوكاری ئه‌و گرووپانه‌ پشتگیری له‌و هه‌نگاوه‌ ده‌كات و ده‌یه‌وێت سوپاكه‌ بخاته‌ ژێر ركێفی خۆیه‌وه‌.


له‌ناو سووریا چه‌ندین گرووپی چه‌كداری هه‌ن وه‌كو (ئه‌حرار شام، به‌ره‌ی نوسره‌، سوپای سووریای ئازاد)، ئه‌م گرووپانه‌ش له‌لایه‌ن توركیاوه‌ پاڵپشتی سه‌ربازی و دارایی ده‌كرێن. ئه‌و گرووپانه‌ بڕیاریان داوه‌ هێزێكی میللی دروست بكه‌ن و حكوومه‌تێكی كاتیش دابمه‌زرێنن.


رۆژنامه‌ی (سۆل)ی توركی، ئاشكرای كردووه‌ توركیا ده‌یه‌وێ ئه‌و سوپایه‌ی ئۆپۆزسیۆنی سووریا دایده‌مه‌زرێنێ، بخاته‌ ژێر ركێفی خۆیه‌وه‌.


هه‌روه‌ها سوپاكه‌ به‌كارده‌هێنێ بۆ ته‌واوكردنی ئۆپه‌راسیۆنی (قه‌لغانی فورات) و پاشان رووبه‌رووی یه‌په‌گه‌ ده‌بێته‌وه‌.


ئه‌گه‌ر هه‌یه‌ ئه‌و سوپا میللییه‌ی له‌ سووریا دروست ده‌بێت، ببێته‌ جێگه‌ی مه‌ترسی بۆ رۆژئاوا، چونكه‌ توركیا ده‌یه‌وێت شه‌ڕی یه‌په‌گه‌ له‌و رێگه‌یه‌وه‌ بكات و كانتۆنه‌كانی كورد له‌ رۆژئاوا بڕوخێنێت.
bas news-