جێگرا سه‌رۆكێ جڤاتا پارێزگه‌ها دهۆكێ دیاركركو ئه‌ڤرۆ 23/10/2017 جڤاتا پارێزگه‌ها دهوكێ و پارێزگه‌رێ دهوكێ كومبونه‌كا گرنگ ئه‌نجامدا دووڤدا ژى په‌یامه‌ك به‌لاڤكر ل سه‌ر پێشهاتین نوو روودانێن وهاتنا ملیشاتێن حه‌شدا شه‌عبى بۆ سه‌ر ئاخا كوردستانێ.



بیریڤان سلیم شه‌مۆ، جێگرا سه‌رۆكێ جڤاتا پارێزگه‌ها دهۆكێ دیاركر: "مه‌ دپه‌یامه‌ خوه‌ دا چه‌ندین خالێن گرنك پیشچاڤكرن ژوانا ژى هه‌ر ژ ده‌مێ كه‌ركوك كه‌تیه‌ ده‌ستێ حه‌شدا شه‌عبى ئه‌وان رێك نه‌دا كو ب زمانێ كوردى ئاخفتن بهێته‌ كرن ئه‌ڤه‌ژى سه‌رپێچیه‌كه‌ ل سه‌ر مادا چار ژده‌ستورێ عیراقێ. وئه‌م ب هیچ ره‌نگه‌كى رازی نابین راسته‌وخو هه‌ڤكارى وته‌عامل دگه‌ل حكومه‌تا به‌غدا بهێته‌ كرن چونكو دێ بیته‌ ئه‌گه‌رێ هه‌لوه‌شاندنا عیراقا فیدرال وده‌ستورى هه‌روه‌سا ژى مه‌ داخازكر كو میلیشیاتێن حه‌شدا شه‌عبى وپاسدارێن ئیرانى وفه‌یله‌قا قودس وه‌كو تاوانبارێن شه‌رى بهێنه‌ دادگه‌هكرن".



خۆیا ژى كر:" جڤاتا دهۆكێ كریارێن میلیشیاتێن حه‌شدا شه‌عبى وپاسدارێن ئیرانى وله‌شكرێ عیراقێ سه‌ر ئاخا كوردستانێَ شه‌رمه‌زاركرن مه‌ دووپات كر بتنێ حكومه‌تا كوردستانێ نونه‌راتیا خه‌لكێ كوردستانێ دكه‌ت هه‌روه‌سا ژى پشته‌ڤانیكرنا پارێزگارێ شه‌رعى یێ كه‌ركوكێ نه‌جمه‌دین كه‌ریم و ئه‌نجومه‌نێ شه‌رعى یێ پارێزگه‌هێ رێبوار تاڵه‌بانى دكه‌ین".

bas news-