قایمقامێ قه‌زا شنگال دیاركركو پتر ژ 38 گۆرێن ب كۆم ل شنگال هاتبوونه‌ دیتن پشتى حه‌شدا شه‌عبى هاتى مه‌ترسیى دروست بوویه‌ ئه‌و كه‌سێن ده‌ست كاره‌ساتا شنگالێ دا هه‌ین وان گۆرێن بكۆم تێكبده‌ن بۆ ڤه‌شارتنا تاوانێن خوه‌ لێ كه‌سى و لایه‌نێ وان گۆرێن بكۆم تیكبده‌ت دێ ئه‌و بیته‌ تاوانبار دووڤ قانوونێن ده‌ولى.



مه‌حما خه‌لیل، قایمقامێ قه‌زا شنگال دیاركر: "ل كاره‌ساتا شنگال سالا 2014ێ تیرۆرستێن داعش گه‌له‌ك خه‌لكێ شنگال گوله‌بارانكرن پتر ژ 38 گۆرێن ب كۆم هاتبوونه‌ دیتن ودهاته‌ پیشبینى كرن روفاتێن پتر ژ 1200 كه‌سان ناڤدا بن وهیشتا كار بۆ جینوسایدى ژلایێ دادگه‌ها لاهاى ڤه‌ سه‌ر نه‌هاتیه‌ كرن جاره‌كا دێ ره‌وشا شنگال هاته‌ تیكدان".



خۆیا ژى كر: "مه‌ترسیى ل سه‌ر گۆرێن بكۆم هه‌یه‌ ژلایێ وان عه‌ره‌بێن ده‌ست كاره‌ساتا شنگالێ دا هه‌ى ئه‌و هه‌ولده‌ن گۆرێن ب كۆم تیكبده‌ن بۆ ڤه‌شارتنا تاوانێن خوه‌ یێن دژێ كوردێن ئێزدى سالا 2014 ئه‌نجامداین لێ هه‌ر كه‌س و لایه‌نه‌كێ گۆره‌كێ بكۆم تیكبده‌ت ئه‌و دێ بیته‌ تاوانبار".
BAS NEWS-