بەرپرسا راگەھاندنێ ل رێڤەبەریا گشتی یا رەوشەنبیری و ھونەری ل دھۆکێ،دیارکرکو ئەڤرۆ 21/10/2017 دووماھی رۆژا کەمپینا کۆمکرنا ھاریکاریانە بۆ خەلکێ کەرکوک و دێ سوبەھی 22/10 ئەو ھاریکاری دێ بۆ خەلکێ کەرکوک ھێنە رەوانەکرن.

ئاواز عەبداللە، بەرپرسا راگەھاندنێ ل رێڤەبەریا گشتی یا رەوشەنبیری و ھونەرێ دھۆکێ، دیارکر: "ھاریکاریا خەلکێ کەرکووکێ ئەرکەکێ نیشتیمانی نەتەوی یە، رێڤەبەریا گشتیی یا رەوشەنبیری و ھۆنەری ل دھۆکێ ب ھەڤکاری دگەل چەندین گەنجێن خوبەخشێن پارێزگەھا دھۆکێ کەمپینا وەفایەک بۆ کەرکووکێ پێخەمەت خرڤەکرنا ھاریکاریان بۆ خەلکێ ل کەرکووکێ دانابوون ل پارکا پانۆراما ئازادی دھۆکێ ئەڤە سێ رۆژن ھاریکاری دھێنە کۆمکرن".

خویا ژی کر: "رۆژانە ژ دەمژمێر 12 نوڤرۆ ھەتا 11 ب شەڤ دێ کەمپینا یا ڤەکری بیت بۆ وەرگرتنا ھەموو جۆرێن ھاریکاریان ژ خەلکێ دھۆک بۆ کەرکوک. ئەڤرۆکە ژی ھەتا 11 بشەڤ دێ ھاریکار ژ خەلکێ دھۆک ھێنە وەرگرتن".










باسنیوز