چاڤدێرەکی سیاسی دبێژیت، ئەڤا حەشدا شەعبی کری ل هەمبەر کەرکووکێ، بەریا نها ژی هەمان تشتن ل گەل و سووننەیان ژی کریە، ئەڤجا ئازاردانە خەلکی و یان ژی سۆتنا بارەگایان یان ژی سفکاتیکرن ب ئاڵایێ کوردستانێ، یان ژی هەر کریارەکا دی، ئەڤە دژی وی دەستووری یە ئەوێ ئەو پێ دئاخڤن .

(سامی ئەتروشی)، شێورمەندێ ئەمیندارێ گشتی یێ یەکگرتوویا ئیسلامی یا کوردستانێ یە، بۆ ماڵپەرێ فەرمیی یێ پارتی دیموکراتی کورسستان خویاکر، ئەڤ کریارێن حەشدا شەعبی کرین دژی پرەنسیپێن یاسایی و دەستووری و مرۆڤایەتینە و شاشی بوون کرین، ژبەر هندێ ژی ئەڤ تشتەک ناهیتە قەبوولکرن و ئەو ژی دێ زانن کو پێشلکاریە و دژی پرەنسیپێن دەستووری بنەمایێن یاساسیی یە و دێ پۆشمانی ڤێ یەکێ بن.

(سامی ئەتروشی)، گۆتژی:'' ئەڤە بریارەکا ئیرانی بوویە، کو هێزێ ژ ئالیێ ئیراقێ ڤە بهێتە پالڤەدان بۆ ڤان دەڤەران، و بێدەنگیا هەفپەیمانی نیڤدەولەتی ژی ئەو یەکە بوو هەتا کو ئەڤ بوویەرە رووداین.

ب دیتنا ڤی چاڤدیرێ سیاسی ژی ئەوە، ئەڤا نها رووددەت ئەوا ل ١٦ ئۆکتۆبەر و رۆژانێن پاشتر دابەشکرنا هەفسەنگیا هێزێ یە دناڤبەرا وەڵاتێن دەڤەرێ و رۆژهەلاتا ناڤین ژی دا، و چ ژ ئاستێن دەرڤەی ژی ، ئەڤە ژی نەک ڕامانا نەمانا هیزێ یە ل کوردستانێ، بەلکو ئەو هێزە ژی دزانن کو پێتڤیە پێشمەرگە بزڤریتە ڤان نافچەیان و ب هێز بکەڤیت و دێ زڤڕیت ژی، بەلێ نها هندەک رێکەفتن هاتینە کرن، و سنوور هاتنیە دانان بەلکو (سەرۆک بارزانی) ژی ئاماژە پێ کریە، گوتژی:'' گەلێ کوردستانێ خواستیە گەلی کورد ب زووترین دەم سەربەخۆیێ ب دەست خۆڤە بینیتن، بەلێ ئەگەر نها ب دەست مەڤە نەهات، نە ڕامانا هندێ یە کو مە سەربەخۆی ژ دەستدایە، بەلکو ئەڤ رێچکە دێ یە بەردەوام بیت ئەو رۆژا مە دەنگدایی ئەو رئک دێ یە بەردەوام بیت، و بلا بێ ئۆمێد نەبین ژبەرکو مە کارێ خۆیێ رەوا یێ کری، و چونکی دەما شۆرەش ئەیلوول و گولانی ژی هاتینە کرن، د وی دەمی دا سەربەخۆی ب دەست وان نەکەفتیە، بەلکو دڤێت ئەم قۆناغ ب قۆناغ بچین، هەتا دگەهینە وێ رۆژێ یا کو سەربەخۆی دبیتە بەهرا مە.
kdp-