پەرلەمانتارێ باژارێ وانێ یێ هەدەپێ ل پەرلەمێنتۆیا تورکیا دەربارەی ڤان بوویەرێن داویێ ل کەرکووکێ گۆت:'' حکومەتا عیراقێ ئەو تشتی چاڤەڕی بووی کر، چونکی ئەڤە هەر ئەو مرۆڤن یێن کو بەریا نها مللەتێ کورد قڕ کرین و تاڵانکرین.

(ئادەم گەڤەری)، بۆ ماڵپەرێ فەرمیی یێ پارتی دیموکراتی کوردستان گۆت:'' حکومەتا عیراقێ تشتێ چاڤەڕی بووی کر، و روویێ خۆیێ رەش و راستەقینە پێشانی جیهانێ دا، هەردەم ئەڤ وەڵاتێن دەردۆر ل دژی ئیرادەیا گەلێ مە رادوەستن و ناخوازن گەلێ مە ب گەهشتە مافێ خۆیێ رەوا .

ڤی پەرلەمنتارێ هەدەپێ گۆتژی:'' نکارم ب ناڤێ هەدەپێ ب ئاخڤم بەلێ، ئەز ب هەموو شیوەیان پشتەڤانێ گەلێ خۆیێ کوردێن ل باشور کوردستانێ مە، و ئامادەمە هەر تشتێ ژ دەستێ من بهێت بۆ گەلێ خۆ بکەم، چونکی ئەڤ ب سەدێن ساڵانە ئەڤ هۆڤنە ل دژی گەلێ مە د جەنگن و ناخوازن گەلێ مە بگەهیتە ئارمانجا خۆ.

ل داویێ دیار ژی کر، ب کوشتن و ساخی نها مللەتێ کورد یەکە، و ئەڤ هێرشا ل سەر کەرکووکێ، هێرشە بۆ سەر تەڤاهیا مللەتێ کورد، چونکی دوژمنێن مە هەمووان ئێکە.
kdp-