فەرماندەیی میحوەری ڕۆژئاوای دیجلە ڕاگەیاندراوێکی بڵاو کردەوە و وردەکاریی چوونی حەشدی شەعبی بۆ ناو شاری شنگال ئاشکرا کرد.



بەپێی ڕاگەیاندراوەکە، پێشمەرگەکانی ئێزدی کە ژمارەیان 8 هەزار پێشمەرگەیە، بەرەبەیانی ئەمڕۆ سێشەممە 17/10/2017، لەگەڵ حەشدی شەعبی ڕێککەوتوون لەسەر ئەوەی خوێن نەڕژێت و حەشدی شەعبی چوونەتە ناو شاری شنگال.



ئەمەش دەقی ڕاگەیاندراوەکەیە:



ڕاگەیەندراوێک لە فەرماندەیی میحوەری ڕۆژئاوای دیجلە

پاراستنی قەزای شنگال و ناوچەکە، لە ئەستۆی پێشمەرگەکانی ئێزدییە کە ژمارەیان ٨ ھەزار پێشمەرگەی ئێزدییە و فەرماندەیی شنگال پێکدەھێنن.

بەرەبەیانی ئەمڕۆ، ئەو پێشمەرگە ئێزدییانە و گروپێکی ئێزدی ناو حەشدی شەعبی، لەناو خۆیاندا ڕێککەوتوون کە شەڕ ڕوو نەدات و خوێن نەڕژێت و ئێزدییەکانی ناو حەشدی شەعبی چوونەتە ناو شاری شنگال.



فەرماندیی میحوەری ڕۆژئاوای دیجلە

١٧ـی١٠ـی٢٠١٧






باسنيوز