رێڤەبەرێ نڤیسینگەھا رزگارکرنا رەڤاندیێن ئێزدی دیارکرکو ل رۆژا 16/10/2017 دوو کچێن کوردێن ئێزدی ژ پارێزگەھا مووسل ھاتنە رزگارکرن، سەردەمێ حکومەتا مالیکی سالا 2014 ھاتبوونە گرتن و رەڤاندن.

حوسێن قائێدی، رێڤەبەرێ نڤیسینگەھا رزگارکرنا رەڤاندیێن ئێزدی، دیارکر کو: "کچەکا ئێزدی دژیێ 13 سالیێ دا خەلکێ گوندێ کوچو ژ دەستێن خێزانەکا تیرۆرستێن داعش ژناڤ مووسل ھاتە رزگارکرن دگەل کچەکا دێ یا ئێزدی خەلکا تەل قەسەب بناڤی مەدیحە ئیبراھیم ھاتنە رزگارکرن ب ھەماھەنگیا حکومەتا ھەرێما کوردستانێ وپشتەڤانیا نڤیسینگەھا سەرۆکێ حکومەتا ھەرێما کوردستانێ ئەڤ کچا ئێزدی ھاتە رزگارکرن و گەھشتنە ناڤ خێزان و کەس و کارێن خوە.

ئەوژی خۆیا کرکو: "ھەموو رزگاربوویێن ئێزدی پێدڤی چارەسەری دبن دەمێ رزگاردبن چونکو سالا 2014ێ وەرە ھەتا نوکە بن زۆلم و زۆرداریا تیرۆرستێن داعشێ دا زور نەخۆشی بسەری وان ھاتینە، ھەولدانێن رزگارکرنا رەڤاندیێن ئێزدی دبەردەوامن ھەتا نوکە پتر ژ 3150 کەسان یێن ھاتێنە رزگارکرن".










باسنیوز