- پشتی ئەو گەف و ئێرش ژ لایێ هێزێن عیراقی و میلیشایێن حەشدا شەعبی ڤە بۆ سەر هەرێمێ هاتینە کرن، کوردێن پارچێن دی یێن کوردستانێ وان گەف و هەرشەیان شەرمەزار دکەن و هەتا دچیت سیاسەتمەدارێن کوردستان و جیهانێ لسەر ڤان گەفان دهێنە دەنگ و پشتگیریا سەرخۆبوونێ دکەن.

پێدڤی ب ڤێ یەکێ(رەمەزان شێخۆ)، ئەندامێ پارتی دیموکراتی کوردستان-سوریا بۆ ماڵپەرێ فەرمیی یێ پارتی دیموکراتی کوردستان گۆت:'' ئەڤا عیراقێ دکەت دژی هەموو پرەنسیپ و مافێن مرۆڤایەتێی یە، چونکی گەلێ کورد زێدەتر ژ ٩٢% بریارا سەربەخۆبوونێ یا دایی ئەڤە ژی مەزنترین بەرسڤە بۆ تەڤاهیا جیهانێ کو گەلێ کورد دخوازیت سەربەخۆ بیت، و نە ل دژی کەسی و لایەنەکی دێ بیتە دەولەت، بەلکو مافەکی سروشتی یە و یێ هەموو گەلانە، و ئەڤە ژی ڕامانا هندێ یە، کو گەلێ کورد نەشیت ل گەل ئەقلیەتەکا وەسان بژیت.

ئەڤا بۆ ماوەیێ چەند رۆژەکایە میلیشایێن حەشدا شەعبی و هێزێن ئیراقێ هێزێن خۆ بەڵاڤە کرین ل دەردۆرێن سنورێن کوردستانێ و دخوازن ئیرشی کوردستانێ بکەن.

هەر د ڤی بیاڤی ژی دا (سارتاج بوجاک)، سەرۆکێ گشتیێ پارتی دیموکراتی کوردستان- باکور بۆ ماڵپەرێ فەرمیی یێ پارتی دیموکراتی کوردستان گوت:'' ئەڤا کوردستانێ ل ٢٥ ئەیلوولێ کری دەستکەفتەکی مێژووی بوو، ئەم ب دل و گیان ل گەل هەرێما کوردستانێ نە، ئەو وەڵاتێن ناخوازن کورد سەربەخۆ بن و هێرشێ کوردستانێ دکەن، ئەو ل دژی دیموکراسی و ئازادێیا کوردستانێ نە، ژبەر ڤێ یەکێ ژی کورد هەموو دێ ل هەمبەر مافێ راوەستیت.
kdp-