کۆبوونەوەی پارتی دیموکراتی کوردستان و یەکێتیی نیشتمانیی کوردستان بە سەرپەرشتیی سەرۆکی ھەرێمی کوردستان بە سەرکەوتوویی کۆتایی ھات و لەسەر چەند خاڵێک ڕێککەوتن.

بەپێی ئەو زانیارییانەی کە کەناڵی (کوردستان 24) لە زاری سەرچاوەیەکەوە بڵاوی کردەوە، ئاشکرای کردووە کە کۆبوونەوەکەی ئەمڕۆ یەکشەممە 14/10/2017ی نێوان پارتی و یەکێتی بە سەرپەرشتیی بارزانی سەرکەوتوو بووە و ھەردوولا بڕیاریان داوە بە ئەنجامەکانی ڕیفراندۆمەوە پابەند بن و لێی پاشگەز نەبنەوە.

ھاوکات سەرچاوەکە ئاشکرای کردووە کە پارتی و یەکێتی لەسەر ئەوە ڕێککەوتوون بە یەکگرتوویی گفتوگۆ لەگەڵ بەغدا بکەن، بەڵام تاکلایەنانە گفتوگۆ نەکەن. ھاوکات جەختیان لەسەر ئەوە کردووەتەوە کە بە گفتوگۆ کێشەکانی نێوان ھەرێمی کوردستان و عێراق چارەسەر بکرێت.









باسنيوز