گوتەبێژی ھۆزەکانی دەشتی نەینەوا، ئاماژە بەوە دەدات کە نزیکەی 20 ھەزار چەکداری عەرەب خۆیان ئامادەکردووە کە پارێزگاری لە سنوورەکانی ھەرێمی کوردستان بکەن.



ئەمڕۆ شەممە 14/10/2017، موزاحیم ئەلحویت، گوتەبێژی ھۆزەکانی دەشتی نەینەوا، بە ماڵپەری (بەغداد ئەلیوم)ی راگەیاندووە: "ئەو ناوچە عەرەبییانەی کە لە سنووری ھەرێمی کوردستانن، نزیکەی 20 ھەزار چەکداریان ئامادە کردووە بۆ ھەر ھێرشێکی نەخوازراوە بۆ سەر ھەرێمی کوردستان".



گوتەبێژە ھۆزە عەرەبەکانی دەشتی نەینەوا، ئەوەشی خستووەتەڕوو: "ھێزە چەکدارە عەرەبییەکان پرچەک کراون و خاوەن ھەموو جورە چەکێکن، لە چەکی قورسە تاوە چەکی سووک، ھەر بۆیە شان بەشانی برا پێشمەرگەکانمان لە شەنگالەوە تا کەرکووک لە سنوورەکانی پێشوەین پارێزگاری لە خاکی کوردستان دەکەین".
bas news-