به‌مه‌به‌ستی قه‌ره‌بووكردنه‌وه‌ی ئه‌و ژماره‌ زۆره‌ داره‌ی كه‌ له‌ ماوه‌ی ڕابردوودا له‌ سنووری ڕاپه‌رین بڕدراونه‌وه‌ بڕیاردرا كه‌ 50 هه‌زار نه‌مام له‌ سنووره‌كه‌ بچێندرێن.



پێشڕەو ئیبراهیم، لێپرسراوی پەرەپێدانی پیشەیی تەندروستی ڕاپەڕین و ئەندامی لیژنەی تەندروستی و ژینگەی ڕاپەڕین ڕاگەیاند، لە میانه‌ی بەڕێوەچوونی شەشەشەمین کۆبوونەی ژینگە بۆگرنگیدان بە ژینگەی دەڤەری ڕاپەڕین کە ئەمڕۆ چوارشەممە (11/ 10 / 2017 )بەڕێوەچوو، گفتوگۆی چڕ کرا و پلانی کار دانراو بڕیاری چاندنی 50 هەزار نەمام لە سنووری ئیدارەی ڕاپەڕین درا".



گوتیشی: "هاوکات پۆلیسی دارستانی سنوورەکە ڕاسپێردرا کە ڕێ لە داربڕین بگرێت کە ماوەیەکە لە چەند شوێنێک هەستی پێدەکرێت".



زیاتر گوتی: "داوا له‌ لایه‌نه‌ په‌یوه‌ندیداره‌كان له‌ حکوومەتی هەرێمی كوردستان ده‌كه‌ین کە بۆ ڕێگرتن لە داربڕین، (نەوت) بەسەر هاووڵاتیان دابەش بکەن،چونکە پاراستنی دارێکی پێگەیشتوو لە بڕین زۆر گرنگترە لە چاندنی دارێک و خزمەتکردنی کەچەندین ساڵی پێویستە".



به‌پێویستیشیزانی لەگەڵ پێدانی مۆڵەتی درووستکردنی باڵه‌خانه‌ یان لەدایکبوونی منداڵێک، ھاووڵاتیان ناچار بکرێن بە بە چاندنی نەمامێک لە ماڵەکەی یان بەردەرگاکەی و بەدواداچوونیشی بۆ بکرێت.

bas news-