بڕیارە هه‌فته‌ی داهاتوو ئیبراهیم جەعفەری وه‌زیری ده‌ره‌وه‌ی عێراق سەردانی رووسیا بكات، بۆ ئەوەی پرسی سەربەخۆیی كوردستان لەگەڵ بەرپرسانی وڵاتەكە باس بكات.


مه‌نسور هادی باڵوێزی عێراق له‌ رووسیا ئه‌مڕۆ سێشەممە له‌ لێدوانێكی ڕۆژنامه‌وانیدا ڕایگه‌یاند سه‌ردانی ئه‌م جاره‌ی جه‌عفه‌ری بۆ رووسیا ته‌نها له‌سه‌ر پرسی سه‌ربه‌خۆیی هه‌رێمی كوردستانه‌ و هیچ بابه‌تێكی دیكه‌ له‌ خۆ ناگرێ.


هادی واده‌ی سه‌ردانه‌كه‌ی ئاشكرا كرد و رایگه‌یاند جه‌غفه‌ری له‌ 20ی ئه‌م مانگه‌ سه‌ردانه‌كه‌ی ئه‌نجام دەدات و چاوی به‌ ژماره‌یه‌ك له‌ به‌رپرسه‌ باڵاكانی رووسیا ده‌كه‌وێت، له‌وانه‌ش سێرگی لاڤرۆڤ وه‌زیری ده‌ره‌وه‌ی رووسیا.
bas news-