رێڤەبەرێ نڤیسینگەھا رزگارکرنا رەڤاندیێن ئێزدی دیارکرکو ئەڤرۆ 9/10/2017 پێنج کوردێن ئێزدی ژ دەستێن تیرۆرستێن داعش ھاتنە رزگارکرن.

حوسێن قائێدی، رێڤەبەرێ نڤیسینگەھا رزگارکرنا رەڤاندیێن ئێزدی دیارکر: "ژنەک دژیێ 30 سالیێ دا دگەل چار زارۆکێن خوە خەلکێ دەڤەرا سولاغێ ل قەزا شنگال دگەل ژنەکا دی خەلکا تل بنات دژیێ 24 سالیێ دا ئەڤرۆکە ژ دەستێن تیرۆرستێن داعش ھاتنە رزگارکرن وگەھشتنە ناڤ خێزانێن خوە ل پارێزگەھا دھۆکێ. ئەڤ رەڤاندیێن ئێزدی ژ سوریا ھاتنە رزگارکرن ب ھەڤکاریا خێرخوازان".

خویا ژی کر: "ھەموو رزگاربوویێن ئێزدی پێدڤی ب چارەسەری دبن دەمێ رزگاردبن، چونکو سالا 2014ێ وەرە ھەتا نۆکە بن زولم و زۆرداریا تیرۆرستێن داعشێ دا زور نەخۆشی بسەری وان ھاتینە.ھەولدانێن رزگارکرنا رەڤاندیێن ئێزدی بەردەوامن بتایبەتی ژی ژ وان دەڤەرێن بن کۆنترۆلا تیرۆرستێن داعشێ دا".











باسنیوز