وەزارەتی شارەوانی بە مەبەستی چارەسەرکردنی کێشەکانی زبڵخانەی کانی قرژاڵە، پرۆژەیەکی گەورە بە چەند قۆناخێک جێبەجێ دەکات.


ئێستە قۆناخی یەکەمی پرۆژەکە بە گوژمەی (٨٦٢) ملیۆن دینار لە بواری جێبەجێکردندایە و چاوەروان دەکرێت لە ماوەی دوو تا سێ ھەفتە تەواو بکرێت.


ئەم پرۆژەیە پێکھاتووە لە لێدانی چەند بیرێک و راکێشانی چەند بۆڕیەک بۆ دەرکردنی گاز و کەمکردنەوەی دووکەڵ و ھەروەھا دابینکردنی خۆڵ بۆ رووپۆشکردنی زبڵ و نەھێشتنی دووکەڵ.


وەزارەتی شارەوانی و گەشتوگوزار پلانێکی هەیە بۆ گواستنەوەی زبڵخانەی کانی قرژاڵە بۆ شوێنێكی نوێ لەسەر رێگای گوێر لە دەرەوەی شار، کە بە شێوەیەکی ئەندازەیی و زانستی دروست دەکرێت.
bas news-