پهرلهمانتارێك: تا بڕیارى كۆتایی سهركردایهتى سیاسیی كوردستان ئێمه له بهغدا كارى خۆمان دهكهین
پهرلهمانتارێكى پهرلهمانى عێراق لهسهر لیستى پارتى دیموكراتى كوردستان ڕای دهگهیهنێت، تا بڕیارى كۆتایی سهركردایهتى سیاسیی كوردستان كارى خۆمان دهكهین.
ئیسلام حوسێن، ئهندامى پهرلهمانى عێراق لهسهر لیستى پارتى دیموكراتى كوردستان به (باسنیوز)ى ڕاگهیاند: "ماوهیهكى زۆره كورد لهوه تێگهیشتووه كه شهراكهت لهگهڵ عێراقدا ناكرێت، لهگهڵ ئهوهشدا ئێمه نوێنهرى میللهتى خۆمانین و تا ئهو كاتهى سهركردایهتى سیاسیی كوردستان بڕیارى كۆتایی دهدات و جیا دهبینهوه، ئێمه له بهغدا كارى نوێنهرایهتى خۆمان دهكهین".
پێشتر كازم سهیادى پهرلهمانتارلا حزبی دهعوه ڕاى گهیاندبوو، كه پهرلهمانتارانى یهكێتى، یهكگرتوو، كۆمهڵ و گۆڕان ههمان بیركردنهوهی پهرلهمانتارانى فراكسیۆنى پارتییان ههیه، بۆیه نابێ ڕێگهیان پێ بدرێت بێنه ناو هۆڵى پهرلهمانى عێراق، ئیسلام حوسێن، دهڵێ: "له نزیكهوه نموونهكانى وهك كازم سهیاد، عهواتیف نیعمه و عالیه نهسیف مان بینیوه، بۆیه ئهوان ههمان عهقڵیهتى سهدامیان ههیه تهنیا ڕوخساریان گۆڕاوه، ئهگهر پێیان بكرێت ئهوانهى سهدام بهرامبهر كورد كردى ئهوانیش دهیكهن، بهڵام پێیان ناكرێ".
ئهو پهرلهمانتاره، ئهوهشى خستهڕوو، كه ڕێگرى له چونه ژوورهوهى ئاڵا تاڵهبانى و سروه عهبدولواحیدیش بۆ كۆبوونهوهكهى پهرلهمانى عێراق كراوه، ئاشكراشى كرد: " مامهڵهكانى دهسهڵاتدارانى عێراق سهربهخۆییمان بۆ نزیكتر دهكهنهوه ".
BAS NEWS -
