ب دیتنا چاڤدێرەکی سیاسی، پشتی ب داوی هاتنا ریفراندۆمێ کو دەستکەفتەکا دیرۆکی بوو، بەلێ پشتی قۆناغا ریفراندۆمی جیاوازییەک هەیە، گەرەکە گەلێ کورد هەدارا هەر تشتی بگریت، چونکی چ گەل سەربەخۆ نەبووینە، یان دڤێت قوربانیان بدەت.

(عەبدولباست سەیدا)، چاڤدێرێ سیاسیە، سەرۆکێ بەرێ یێ ئۆپۆزسیۆنی سوریا بوو، بۆ ماڵپەرێ فەرمیی یی پارتی دیموکراتی کوردستان گۆت:'' ب دیتنا من ئەگەر هندەک وەڵات کاربکەن ئەمبارگۆیێ ل دژی کوردستانێ بکاربینن، بەڵێ ئەو ب شیوەیەکی لەشکەری نکارن ل دژی کوردستانێ تشتەکی بکەن، و چارەسەری ئەوە گەلێ کورد هەدارا هەر تشتی بگریت، چونکی چ گەل سەربەخۆ نەبووینە یان دڤێت قوربانیان بدەن.

(عەبدولباست سەیدا)، کو شارەزایی هەیە د شرۆڤەکرنا پرسێن سیاسی رۆژهەلاتا ناڤین دبێژیت:'' ئەڤ گاڤێن نها ئیراق دهاڤێژە ب رێكێن ئیرانێ یە، و ژ لایەکی دی ڤە ئەڤا (عەبادی) دکەت، خۆ ئامادەکرنەکە بۆ هەلبژارتنێن بهێت، دا کو سەنگا خۆ بهێز بیخیت دئیراقێ دا، بەلێ ئەڤ کریارێن دهێنە کرن ل هەمبەر هەرێمی، د بنەرەتدا نە بتنێ ل دژی هەرێمی نە، بەلکو ل دژی عەرەبێن سوننە ژی دهێنە کرن.

(حەیدەر عەبادی)، سێ خاڵ دانان بۆ ڤەکرنا دەرگەهێ دیالۆگێ ل گەل هەرێمی، و خاڵا دەستپێکێ ئەوبوو هەلوەشاندنا ئەنجامێن ریفراندۆمێ بوو، ڤی چاڤدێرێ سیاسی گۆت: گەرەکە کورد چوجارا دەرگەهی دیالۆکی نەگرن، ئەڤ کارێ کورد دکەن کارەکی دیموکراسیە، و هەردەم دخوازن ب ریکێن ئاشتی و دیالۆگی کێشەیان چارەسەر بکەن.

ناڤهاتی دەربارەی بزاڤێن ئیران و تورکیا دیارکر بۆ سەر هەرێما کوردستانێ گۆت:'' تورکیا ژی هەر دەم ل سەر خۆ دگومانا دایە، چونکی تورکیا بخۆ کێشە ل گەل ناسیونالیستێن وەڵاتێن خۆ بخوە هەیە، تورکیا ل هەمبەر کێشەیا هەرێمێ ژی دبێژیت ئەگەر هەرێما کوردستانێ سەربەخۆ بیت، دبیت سبەرۆژ کوردێن وەڵاتی من دێ چ خوازن؟، ژبەر هندێ ئەو ژی ڤان کاران دکەت و دگومانان دایە.''

ل دوایی گۆتژی:'' ئیران ژی پتر کیشەیە، چونکی هەر چ نەبیت تورکیا کێشەیا کوردی ب پتڤاژۆیەک ڤەکر و ل جهەکی راوەستایە، بەلێ ئیران ب هیچ شیوەیان کێشەیا کوردی قەبوول نەکریە، و ژ خۆ دترسیت چونکی گەلەک نەتەوە و د ئیران دا هەنە، و ژوان دترسیت ئەو ژی ریفراندۆم یان کارەکی وەسان بخوازن، بەلێ سەرەبخۆبوونا کوردستانێ د بەرژوەندییا تورکیا و کوردان و هەموو دەڤەرێ دایە و نە هەڕەشەیە بۆ چ لایەنان.''
kdp-