بەرپرسێ پەێوەندێ و راگەھاندنێ ل رێڤەبەریا ھاتن وچوونا پارێزگەھا دھۆکێ دیارکرکو ئەڤرۆ 5/10/2017 ئەو تاوانبارێ کامیرا ھاتن وچوونێ ل قەزا زاخۆ شکاندی ھاتە دەستەسەرکرن و رەوانەکرن بۆ دادگەھێ چونکو نابیت سامانێ گشتی بھێتە تێکدان.

ئازاد تەھا، بەرپرسێ پەێوەندێ و راگەھاندنێ ل رێڤەبەریا ھاتن وچوونا پارێزگەھا دھۆکێ دیارکر: "تاوانبارەکێ ل رۆژا 30/9/2017 ل دەمژمیر ئێک و نێڤی ب شەڤ کامیرا ھاتن و چوونێ ب بەران دشکینت پشتی پولیسێن ھاتن و چوونێ دوڤچوونێ کری ب ھەڤکاریا دەزگەھێن ئەمنی ل قەزا زاخۆ تاوانبارەک ب ناڤێ (ن، ا، م) ھاتە دەستەسەرکرن و دانپێدان ب تاوانا خوە کریە ئەو تاوانبار بۆ دادگەھێ ھاتە رەوانەکرن داکو بگەھتە سزایێ خوە".

خۆیا ژی کر: کامیرا ھاتن و چوونێ بۆ پاراستنا گیان و سلامەتیا شوفێران ل سەر جادەیان یێن ھاتینە دانان ونابیت ھیچ کەسەک کەل و پەل و سامانێ گشتی تێکبدەت دی ھێتە سزادان پێدڤیە ھەموو وەلاتی ھەڤکاربن بۆ پاراستنا کەل وپەل و سامانێ حکومەتی".










باسنيوز