بارزانی بهبۆنهی كۆچی دوایی مام جهلالهوه یهك ههفته ماتهمینی گشتیی ڕاگهیاند
لهمیانهدا بارزانی پرسه و سهرهخۆشی خۆی ئاراستهی گهلی كوردستان و بنهماڵهی مام جهلال تاڵهبانی كرد و گوتی له دهستدانی سهركردهیهكی وهكو مام جهلال زیانێكی گهورهیه و به ئاسانی پڕ ناكرێتهوه.
ههروهها سهرۆكی ههرێمی كوردستان بهوبۆنهیهوه یهك ههفته ماتهمینی گشتیی ڕاگهیاند.
ئهمهی خوارهوه دهقی پهیامهكهی سهرۆكی ههرێمی كوردستانه:-
بهخهم و پهژارهیهكی زۆرهوه ههواڵی كۆچی دوایی سهرۆك مام جهلالمان پێگهیشت لهم ڕۆژه خهمناكهدا پرسه و سهرهخۆی خۆم ئاراستهی خانهوادهی تاڵهبانی به تایبهتی هێرۆخان و كاك قوباد و كاك پاڤڵ دهكهم و بهدڵ هاوبهشی خهمیانین.
لهدهستدانی سهركردهیهكی وهكو مام جهلال زیانێكی گهورهیه بۆ گهلهكهمان و به ئاسانی پڕ ناكرێتهوه ههروهها سهرهخۆشی له خۆمان و گهلی كوردستان و ههموو برایانی سهركردایهتی یهكێتی نیشتمانی و ههموو ئهندامانیان دهكهم و داواكارم له خوای گهوره گیانی برای بهڕێزم مام جهلال به بهههشتی بهرین شاد بكات و خۆشم ههڤاڵ و براو پشتیوانێكی بههێزم له دهستدا و جێگهی شانازییه كه ههردووكمان پێكهوه و لهگهڵ برایانی تر توانیمان زۆر كۆسپ و تهگهره ههڵگرین لهسهر رێگهی خهبات و تێكۆشانمان وه ههروهها زۆر قۆناغی تاڵ و ناخۆشمان بڕی و شانازییه كه زۆرێك له دهستكهوتهكانی ئهمڕۆ دهگهڕێتهوه بۆ ئهو تهبایی و برایهتییهی كه پێكهوه بناغهیمان دانا ، ئێستاش باشترین وهفا بۆ گیانی برای بهڕێز مام جهلال و گیانی ههموو شههیدانی ڕێگای ڕزگاری گهلهكهمان ئهوهیه كه یهكڕیزیمان پتهوتر بههێزتر بكهین و ههر بهوهش ئێمه دهتوانین بگهینه ئهو ئامانجه پیرۆزهی كه سهركردهكانمان و ههزارهها شههید گیانیان بهخت كرد له پێناویدا.
كل نفس ذائقة الموت ، انا لله وانا الیه راجعون، بهوبۆنه خهمناكهوه یهك ههفته ماتهمینی گشتی ڕادهگهیهنین.
bas news-
