لە سۆران کچە ھەرزەکارێکی عەرەب لە نەخۆشخانەی فریاکەتن جێ دەھێڵدرێت
ئیسماعیل ئیبراھیم، بەڕێوەبەری دەزگای کرمانجی بۆ راگەیاندن و رۆشنبیری،رایگەیاند: "بەرەبەیانی ئەمڕۆ یەکشەممە ١/١٠/٢٠١٧ لەلایەن نەخۆشخانەی فریاکەوتنی سۆران ئاگادار کراینەوە، بەبوونی کچە ھەرزەکارێک عەرەبی خەڵکی شاری مووسڵ، بەناوی (سیدرا ھیشام) تەمەن ١٢ ساڵ، کە شەوی رابردوو لەلایەن کەسێکی نەناسراو گەیاندراوەتە نەخۆشخانەی فریاکەوتنی سۆران و جێیان ھێشتووەو ھیچ کەسوکارێکی دیار نییە، ھیوادارین دوای بینین و بیستنی ئەم ھەواڵە ھەرکەس زانیاری لەسەر کەس و کار و خێزانەکەیان ھەیە پەیوەندیمان پێوەبکات".
بەڕێوەبەری دەزگای کرمانجی بۆ راگەیاندن و رۆشنبیری، ئەوەشی خستە روو: "ئەم کچە ھەرزەکارە زۆر بێتاقەت دیار بوو، دەست و قاچێکیشی وەک پێویست کار ناکات، دوایی ئەوەی داواکاری گشتیی سۆران و مافی مرۆڤ و بەڕێوەبەرایەتیی نەھێشتنی توندوتیژی و بەرەنگاربوونەوەی ئافرەتانی سۆرانمان ئاگادارکردنەوە، وەک ئەرکێکی مرۆڤانە تا ئەوکاتەی شوێنێکی بۆ دەدۆزرێتەوە، بردومەتەوە ماڵەوەم و لەلایەن خێزان و منداڵەکانم خزمەتی دەکرێت".
سیدرا ھیشام، ئاشکرای کرد، کە گوایە باوکی چووەتە تورکیا و دایکیشی چووە دەرمانی بۆ بھێنێت، دواجار ھەمووانی لا وون بوونەو داواکارە لە لایەنە پەیوەندیدارەکان چارەنووسی خێزانەکەی بۆ بدۆزنەوەو چارەسەرێکی لێ بکرێت.
باسنیوز
