ئافرهتێكی كوردی ئێزیدی له شارۆچكهی حهویجه رزگاری بوو
دكتۆر كهمال كهركووكی بهرپرسی میحوهری رۆژئاوای كهركووك راگهیاند كه ئافرهته رزگاربووهكه ناوی بهسمه قاسمه و خهڵكی شنگاله و توانیویهتی خۆی له دهست تیرۆریستانی داعش له شارۆچكهی حهویجه رزگار بكات.
بهرپرسی میحوهری رۆژئاوای كهركووك راشیگهیاند كه دوای گهیشتنی به سهنگهرهكانی پێشمهرگه، كهسوكارهكهیان ئاگهدار كردووەتهوه و دواتریش رادهستیان كراوهتهوه.
لهلایهن خۆیهوه بهسمه قاسم رزگاربووی دهستی داعش رایگهیاند كه له ماوهی 3 ساڵدا كه له ژێر دهسهڵاتی داعشدا بووه، به چەندین شێواز تووشی ئازاردان و ئهشكهنجه هاتووه و ههروهها چهندین جاریش كڕین و فرۆشتنیان پێكردووه.
bas news-
